藝術

究竟什麼是藝術呢?

今天看完蘋果訪問wing shya的一篇文章，又令我在想這個問題。
在切雞界，不少人都對wing shya嗤之以鼻，說他影的相鬆郁矇。但，無可否認，他卻越做越成功，今時今日更受國外雜誌賞識，為之操刀拍照。

wing shya在這個訪問裡十分坦白，沒有矯枉做作，節錄其中一段：

Wing Shya身為王家衛御用攝影師，曾為《春光乍洩》及《花樣年華》等電影拍劇照。他先後畢業於李惠利工業學校、白英奇專業學校及加拿大 Emily Carr Institute，主修 Fine Art，大學時最迷就是 Andy Warhol及《 Interview》，從沒輕視商業，只認為自己無法 handle。在商台工作時，一天林海峰（ Jan）跟他說：「我老婆要出碟，你幫佢影封面啦。」拎起相機的第一個機會，是阿 Jan給他的。

喜好勝技術

Wing說：「我仲記得彭羚嗰隻碟叫 《 C for Cass》，跟住逐啲逐啲有唔同人叫我影嘢，其實我影親唔係鬆就矇或者 under，直接啲講就係瀨嘢！啲人問點解會咁，梗係死撐話特登同 style啦！有次阿智（蔡一智）畀機會我幫鄭秀文影佢隻碟《十誡》封面，我就想影得好 colorful，走去買啲彩色紙用嚟打燈，點知買錯晒啲聖誕玻璃紙，仲燒爛埋人哋 studio啲燈！直至有次幫《 amoeba》影阿 Jan，真係衰晒，又係 under，之後 Sam Wong打電話畀我『你啲相真係好 un（ under）喎』，對住佢我仲敢撐咩？當然認係唔識嘢瀨嘢啦！點知佢話『我就係鍾意你唔 X識』，吓！ Sam Wong都咁講，就有恃無恐直情用 Fine Art嘅角度同方法去影啦，慢慢真係成為所謂我嘅風格，係感情同喜好多過技術。」

看完我不禁失笑，原來盲拳打死老師傅。那是他誤打誤撞出來的風格，相反看美術史許許多多大師窮畢生之力去探究每一點一線，明暗對比色彩，得來的不是人人都看得懂的東西，好像有點諷刺。無疑他的確幸運加上有美學上的天賦觸覺。對攝影，我不太懂，有別於同商業攝影，一張照片所以觸動人心，技術不是最主要的因素，感情才是王道。

藝術究竟是什麼呢? 當不能夠明確地用技術作為評論標準，可是感覺這回事卻又很難說得清，我又迷惘起來了。