appraisal

公司又到apprasial時間。

望住果份令人R頭既appraisal form，見到D長問題心諗又要老作一大輪。其實填既所謂目標有幾實在? 似乎都係考我吹水技巧多D。班大人重要剎有介事開個會同大家講發覺各位員工前兩年既自我評核部份既評分同公司預期既好有出入，要教大家評分既準則…我真係覺得佢地對各員工及各中層既判斷能力既信任度係零。

呢排諗多左公司野。原來做左咁多年野，我好少反省做野既方法，同事/部門之間既溝通。之前一係做既公司規模細，人與事無咁複雜，做野亦只需聽從唯一既老闆既指揮，至多係個老闆騎呢D；一係雖然公司大，但係有個好上司幫我地建立好一個好架構好環境畀我地無乜顧慮地工作，有乜事佢幫我地去撐去頂。而家o係呢度，所有野立立亂，亦無一個所謂清楚既部門制度可言，上司亦唔出事都唔會留意有無問題，亦好似無乜bargaining power，唔多野做由自可，一多野做唔自己諗方法拆或者guide返pass野畀自己既同事，就棧做死自己兼出錯，出錯果時係邊個有問題? 又係我地production既問題。

而家多野做，所有問題浮晒面，加上因而出現同事之間既人事問題，真係令我好煩燥。煩燥過後靜靜地諗，自己谷住度氣都唔會令情況改善，一日我留得O係度，可以做既就係要諗計解決。

左思右想之間，讀到這篇文章，又令我重新諗一諗。
忠於自己 by CK

O係呢個時間，除左要同自己做appraisal，都要同我既工作做appraisal。理性D重新檢視! 希望我重有能力應付。